اقامت میں نام محمد صلی اللہ علیہ وسلّم سن کر، آنکھوں سے انگوٹھے لگا کر چومنا

اقامت میں نام محمد صلی اللہ علیہ وسلّم سن کر، آنکھوں سے انگوٹھے لگا کر چومنا ٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
اقامت میں نام اقدس سن کر انگوٹھے چوم کر آنکھوں سے لگانے کے متعلق سوال ہوا کہ اس عمل کو دلیل کے ساتھ بیان کیا جائے .

سید عالم نور مجسم صلی اللہ تعالیٰ علیہ والہ وسلم کا نام اقدس اذان میں سن کر انگوٹھے یا شہادت کی انگلیاں چوم کر آنکهوں سے لگانا *جائز و مستحب اور باعث رحمت و برکت ہے ۔

اس عمل حسن کے جواز پر دلائل موجود ہیں، اور اگر کوئی دلیل نہ بهی ہو تو منع پر شرع سے دلیل نہ ہونا جواز کےلئے کافی ہے .

امام اهلسنت مجدد اعظم قدس سرہ العزیز نے اذان و اقامت کے وقت نام اقدس سنکر انگوٹھے چومنے کے جواز پر دو رسائل لکهے .(منیر العین فی حکم تقبیل الابهامین) یعنی انگوٹھے چومنے کے سبب آنکهوں کا روشن ہونا . (نہج السلامہ فی حکم تقبیل الا بهامین فی الاقامہ) اقامت کے دوران انگوٹھے چومنے کے حکم میں عمدہ تفصیل .

ان سے مختصر دلائل پیش خدمت ہیں .

امیر المومنین سیدنا ابو بکر صدیق رضی اللہ تعالٰی عنہ نے موذن کو *اشهد ان محمد رسول اللہ* کہتے سنا تو دعا پڑهی اور دونوں کلمے کی انگلیوں کے پورے جانب زیریں سے چوم کر آنکهوں سے لگائے، اس پر سید عالم صلی اللہ تعالیٰ علیہ والہ وسلم نے فرمایا : جو ایسا کرے گا جیسا میرے پیارے نے کیا اس کےلئے میری شفاعت حلال ہوجائے . ( المقاصد الحسنہ للسخاوی حدیث نمبر 1021)

اور امام سخاوی رحمہ اللہ تعالیٰ اسے مسند الفردوس کے حوالے سے نقل کیا .

شرح نقایہ و کنز العباد کے حوالے سے نقل کیا : خبردار  بے شک مستحب ہے کہ جب اذان میں پہلی بار اشهد ان محمد رسول اللہ سنے *صلی اللہ علیک یارسول اللہ کہے اور دوسری بار قرت عینی بک یارسول اللہ صلی اللہ علیہ وسلّم پهر انگوٹھوں کے ناخن آنکهوں پر رکھ کر کہے اللهم متعنی بالسمع والبصر کہ نبی صلی اللہ تعالیٰ علیہ والہ وسلم ( ایسا کرنے والے کو) اپنے پیچهے پیچهے جنت میں لے جائیں گے .
(فتاویٰ رضویہ جلد 5)

وقت اقامت اس عمل بارے سیدی اعلی حضرت قدس سرہ العزیز طویل بحث کے بعد لکهتے ہیں : تو مسلمان اگر وقت اقامت بهی تقبیل ( انگوٹهے چومنا) کرے ہرگز کوئی وجہ ممانعت نہیں ۔ (فتاویٰ رضویہ جلد 5 صفحہ 652)

انگوٹھے چومنے کی فضیلت بارے علامہ اسماعیل حقی حنفی رحمہ اللہ تعالیٰ نے تفسیر روح البیان جلد 7 میں روایت نقل کی جس کا خلاصہ یہ ہے کہ ایسا کرنے والا کبهی اندها نہ ہوگا . (دعا گو ڈاکٹر فیض احمد چشتی)