مصطفےٰ ﷺ جــــانِ رحمت پہ لاکھوں ســـلام

مصطفےٰ ﷺ جــــانِ رحمت پہ  لاکھوں ســـلام
شمع بـزمٍ ھدایت  پہ لاکھوں ســـلام
ہم غریبوں کے آقا ﷺ پہ بےحد درود
ہم فقیروں کی ثروت پہ لاکھوں ســـلام
جس کے ماتھے شفاعت کا سہرا رھا
اس جبیـنٍ سعادت پہ لاکھوں ســـلام

جس سہانی گھڑی چمکا طیبہ کا چاند
اس دل افروز ساعت پہ لاکھوں ســـلام
جس سے تاریک دل جگمگانے لگیں
اس چمک والی رنگت پہ لاکھوں ســـلام
کُل جہاں مِلک اور جَو کی روٹی غذا
اُس شِکم کی قناعت پہ لاکھوں ســـلام

شہریارِ اِرّم    تاجــــدارِ حــــرم
نَوبہارِ شفاعت پہ لاکھوں ســـلام
شب اَسریٰ  کے دولھا پہ دائم درود
نوشہ بزمٍ جنت پہ لاکھوں ســـلام
پتلی پتلی گُلِ قدس کی پتیاں
ان لَبــــوں کی نزاکت پہ لاکھوں ســـلام

جن کے سجدے کو محراب کعبہ جھکی
ان بھوؤں کی لطافت پہ لاکھوں ســـلام
جس طرف اُٹھ گئی دم میں دم آ گیا
اُس نگاہِ عنایت پہ  لاکھوں ســـلام
جس کی تسکیں سے روتے ہوئے ہنس پڑیں
اُس تَبَسُُم کی عادت پہ لاکھوں ســـلام

وہ زباں جس کو سب کُن کی کُنجی کہیں
اُس کی نافذ حکومت پہ  لاکھوں ســـلام
کس کو دیکھا یہ موسیٰ سے پوچھے کوئی
آنکھ والوں کی ہمت پہ لاکھوں ســـلام
دور و نزدیک کے سننے والے وہ کان
کانِ لعــــلِ کرامت پہ لاکھوں ســـلام

سیــــدہ  زاہــــدہ  طیبــــہ طاہــــرہ
جــــانِ احمــــد کی راحت پہ  لاکھوں ســـلام
جس کی ماں فاطــــمہ ؓ اور نانا نبــــی ﷺ
جس کا بھائی حَســــن ؓ اور بابا علــــی ؓ
اس حُسیــــن ؓ ابن حیــــدر  پہ لاکھوں ســـلام
مصطفےٰ ﷺجانِ رحمت پہ  لاکھوں ســـلام

حضرتِ حمــــزہ شیرِ خــــدا و رســــولﷺ
زینتِ قادریت پے لاکھوں ســـلام
غــــوثِ اعظم امام التقی والنقی
جلوۂ شانِ قدرت پے لاکھوں ســـلام
مجھ سے خدمت کے قدسی کہیں ہاں رضاؔ
وہ رضــــا اعلٰحضرت بریلی کے شاہ
ڈال دی قلب میں عظمتِ مصطفےٰﷺ
سیدی اعلٰحضرت پہ لاکھوں ســـلام

مصطفےٰﷺ جانِ رحمت پہ لاکھوں ســـلام
شمع بزمٍ ھدایت  پہ  لاکھوں ســـلام
کاش محشر میں جب ان کی آمد ہو اور
بھیجیں سب ان کی شوکت پہ لاکھوں ســـلام
مصطفےٰﷺ جانِ رحمت پہ لاکھوں ســـلام
شمع بزمٍ ھدایت  پہ  لاکھوں ســـلام

🌹 صَلَّی اللّهُ عَلٰی حَبِیْبِهٖ مُحَمَّــــدٍ وَّآلِـهٖ وَسَلَّمْ.🌹