از سرے نو رولز برائے *تحریک اتحاد نوجوانان اہلسنت دھرابی* 2024
*تحریک اتحاد نوجوانان اہلسنت دھرابی* جس مشن پر گامزن ہے وہ دین کی سربلندی اور نظام مصطفیٰ کا نفاذ ہے اور ناموس رسالت ﷺ ختم نبوت و ناموس صحابہ و اہلبیت کا تحفظ ہے ۔۔۔
یہ اتحاد حضور علیہ السلام کے بعد از وصال حیات نبی کے قائل فقہ حنفی کے مقلد دو مکاتب فکر مابین اہلسنت بریلوی اور اہلسنت دیوبند کے قایم کیا گیا ہے ۔۔۔
اور یہ اتحاد کسی بھی مکتبہ فکر کے خلاف نہیں بلکہ ختم نبوت و ناموس رسالت ﷺ اور ناموس صحابہ و اہلبیت کے تحفظ کیلئے کیا گیا اور جو آپس میں ماضی میں مسائل رہے ہیں وہ آئندہ پیش نہ آئیں یا آئیں بھی تو مل جل کر ان پر قابو پایا جائے اور انہیں حل کیا جاسکے ۔۔۔
دھرابی میں ایک دوسرے کی مساجد اور مدارس میں مداخلت نہیں کریں گے
ابھی وقت حال بہترین نظام چل رہا ہے جیسا چل رہا ہے ایسے ہی اسے چلنے دیا جائے گا
دونوں طرف کے علماء کے خلاف سوشل میڈیا پر کوئی پوسٹ نہیں کی جائے گی
دونوں طرف سے ایک دوسرے کے عقیدے کے خلاف کوئی پوسٹ نہیں کی جائے گی
فروعی معاملات کو نہ ہوا دی جائے گی نہ ان پر بحث کی جائے گی
اگر کسی بات پر اختلاف ہو بھی جاتا ہے تو احسن انداز میں اخلاق کے دائرے میں رہتے ھوۓ بات کی جائے گی
اول تو یہ کہ اتحاد کے ذمہ داران سوشل میڈیا پر کوئی بحث نہیں کریں گے اور اپنے اپنے کارکنان کو بھی ایسی ہی تربیت دی جائے گی
دونوں مکاتب فکر کے علاوہ کسی اور مسلک کے علما کو ذمہ داران پروموٹ نہیں کریں گے اور نہ حمایت کریں گے
اور ایسے لوگوں سے ہمارا کوئی تعلق نہیں ہو گا جو حضورﷺ کو مردہ خیال کرتا ہو اور جو نبی کی حیات بعد از وصال کا قائل نہ ہو
اور ایسے لوگوں سے بھی ذمہ داران تعلق نہیں رکھیں گے نہ انھیں پروموٹ کریں گے جو یزید کو حق پر مانتے ہوں اہلبیت سے بغض رکھتے ہوں اور کربلا کی لڑائی کو محض سیاسی لڑائی قرار دیتے ہوں
ایسے لوگوں سے بھی کوئی دینی تعلق نہیں رکھا جائے گا جو تمام صحابہ بشمول خلفائے راشدین یا حضرت امیر معاویہ رضی اللہ عنہ سے عداوت رکھتے ہوں
سوشل میڈیا پر حتی الامکان ایسی پوسٹس سے گریز کیا جائے گا جس سے دھرابی کے پر امن ماحول میں خلل آتا ہو یا ہمارے اتحاد کو گزند پہنچتی ہو ۔۔
سالانہ پروگرام کو امیر اور نائب امیر مینیج کریں گے
علماکو اتحاد کے حوالے سے امیر اور نائب امیر گائیڈ کرنے کے پابند ہوں گے تا کہ انتشار اور غیر یقینی صورت حال سے بچا جا سکے
سالانہ پروگرام والے دن امیر اور نائب امیر سوائے اس کے اور کوئی کام نہیں کریں گے کہ صرف علما کا استقبال اور ان کو گائیڈ کرنے کا کام کریں گے۔۔
اسٹیج کی ذمہ داری بھی امیر اور نائب امیر کی ہو گی
اگر امیر صاحب خود ان تمام رولز کی پابندی کرتے ہیں تو پھر ہر کارکن اور ذمہ دار چاہے وہ کسی بھی مکتبہ فکر سے ہو امیر صاحب کے حکم کا پابند ہو گا ۔۔۔
اور نئی تنظیمی پالیسی کے تحت جس کارکن یا ذمہ دار کو جو بھی ذمہ داری دی جائے گی وہ اسے پورا کرنے کا پابند ہو گا
اگر کبھی آپس میں کوئی چپقلش یا غلط فہمی ہو جاتی ہے تو اسے اوپن پلیٹ فارم یا سوشل میڈیا پر زیر بحث نہیں لایا جائے گا بلکہ پہلے مشاورت گروپ میں اور پھر مل بیٹھ کر اس کو حل کیا جائے گا
منظور شدہ :
امیر اور نائب امیر تحریک اتحاد نوجوانان اہلسنت دھرابی
