حضرت شعیب علیہ السّلام کا اپنی مردہ قوم کو پکار کر خطاب کرنا ( یا قوم)

حضرت شعیب علیہ السّلام  کا اپنی مردہ قوم کو پکار کر خطاب کرنا ( یا قوم)
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
القران سورہ اعراف 7، آیات 91 تا 93

فَأَخَذَتْهُمُ الرَّجْفَةُ فَأَصْبَحُواْ فِي دَارِهِمْ جَاثِمِينَ {91}

الَّذِينَ كَذَّبُواْ شُعَيْبًا كَأَن لَّمْ يَغْنَوْاْ فِيهَا الَّذِينَ كَذَّبُواْ شُعَيْبًا كَانُواْ هُمُ الْخَاسِرِينَ {92}

فَتَوَلَّى عَنْهُمْ وَقَالَ يَا قَوْمِ لَقَدْ أَبْلَغْتُكُمْ رِسَالاَتِ رَبِّي وَنَصَحْتُ لَكُمْ فَكَيْفَ آسَى عَلَى قَوْمٍ كَافِرِينَ {93}

ترجمہ: نتیجہ یہ ہوا کہ انہیں زلزلہ نے اپنی گرفت میں لے لیا اور اپنے گھر میں سربہ زانو ہوگئے۔ جن لوگوں نے شعیب علییہ السّلام کی تکذیب کی وہ ایسے برباد ہوئے گویا اس بستی میں بسے ہی نہیں تھے -جن لوگوں نے شعیب علیہ السّلام کو جھٹلایا وہی خسارہ والے قرار پائے ۔ اس کے بعد شعیب علیہ السّلام نے ان سے منہ پھیر لیا اور کہا کہ اے قوم والو ً! میں نے اپنے پروردگار کے پیغامات کو پہنچادیا اور تمہیں نصیحت بھی کی تو اب کفر اختیار کرنے والوں کے حال پر کس طرح افسوس کروں۔

کیا اللہ کے نبی علیہ السّلام ایسے مردوں سے خطاب فرما رہے تھے جو سن نہیں سکتے تھے اگر ایسا ہے تو ایک فعل عبث کی پیغمبر علیہ السّلام کی طرف نسبت کرنا از روئے شریعت کیا حکم رکھتا ہے ؟ معلوم ہوا مرنے والے سنتے ، سمجھتے ہیں ۔